NSP Монголд

   Эрүүл бөөр эрүүл мэндийн нэгэн баталгаа билээ. Бие организмын бүхий шингэнийг бөөр цэвэршүүлж, шүүдэг гэдгийг уншигчид мэдэх нь ойлгомжтой. Бөөрний үйл ажиллагааны явцад, хүний биеэс хор, задралын дүнд үүссэн хэрэггүй бодисууд, илүүдэл шингэн шээсээр гадагшилж, шаардлагатай шингэн, тэжээллэг бодисууд дахин цусанд орж байдаг. Биеийн шингэн, эрдсийн зохистой тэнцвэрийг эрүүл бөөр нөхцөлдүүлж байдаг юм.

   Ус, кали хангалттай хэмжээнд байх нь бөөрний хэвийн үйл ажиллагаанд нэн чухал. Харин натри (давс) их байж хэрхэвч болохгүй.

Мөн хоногт 6-8 стакан цэвэр ус ууж байвал зохино. Энэ нь 4 цаг тутамд 1 стакан цэвэр ус гэсэн үг.

Шээс-бэлгийн замын өвчнүүд дундаас бөөр чулуужих өвчин, цистит хамгийн их тохиолддог.

Бөөрний чулуу зун үүсэх нь олонтаа. Учир нь зун хөлс их ялгарч, организм дахь шингэнийг багасгаж байдаг. Кальцийн оксалат, кальцийн фосфат, аммоны фосфат, магни зэрэг эрдсээс бөөрний чулуу бүрэлдэнэ. Шээсэнд шээсний хүчил ихэссэнээр, элдэв эрдсийн талсжилт явагдаж, чулууг үүсгэдэг юм. Хэрэв та кальци, магнитай бүтээгдэхүүн хэрэглэж байгаа бол, хоол хүнсийг сайтар боловсруулах, оксалатын нэгдлүүд зэргийг задалж сарниулахад тус болох бүтээгдэхүүн, байгалийн гаралтай бэлдмэлүүдийг нэмж хэрэглэх шаардлагатай. Янз бүрийн эрдэс, бичил элементээр баялаг хүнс, бүтээгдэхүүн хэрэглэвэл бөөрний чулуу үүсэх магадлал багасдаг.

   Бөөр чулуужих өвчин удамшдаг. Бөөрний бусад олон өвчлөлүүд ч мөн адил. Үүнийг анхааралдаа авч, урьдчилан сэргийлэх шаардлагатай.

Дунд, ахмад насныханд бөөрний чулуужилт илүүтэй тохиолдоно. Харин цистит эмэгтэйчүүдэд илүү тохиолддог. Ер нь, шээс гадагшлуулах замын халдвар эмэгтэйчүүдэд илүү өргөн тохиолддог юм. Их төлөв (85 хувьд нь) E.coli бактериар үүсдэг, давсагны үрэвслийг цистит гэдэг.

E.coli бүдүүн гэдсэнд амьдардаг бактери хэдий ч, ойрын сүвүүдэд орж халдварлана. Давсагнаас түрүү булчирхай, шээсний суваг, бөөр лүү ч халдварлана.

   Шээс дусагнах, алдагнах нь 50-иас дээш настанд, аль ч насны жирэмсэн эмэгтэйд нэлээн тохиолдоно. Гэхдээ энэ нь байх ёстой зүйл ч биш, эмчилгээгүй ч биш юм. Шээс дусагнахаас сэргийлэхийн тулд, стрессээс зайлсхийх, спортоор хичээллэн аарцгийн доод хэсгийн булчингуудыг чангатгах, дархлааг сайжруулах хэрэгтэй.

Шөнө шээс алдагнах буюу, энурез нь бага хүүхдүүдэд их тохиолдоно. Шалтгаан нь ямар нэг халдвар, шээс гадагшлуулах замын үрэвсэл, бөөрний дээд булчирхайн үйл ажиллагааны дутагдал, шимэгч хорхой, стресс, эрдсийн тэнцвэрийн алдагдал, хурц хоол хүнс зэрэг байж болно. Тэдгээр нь хүүхдийн шээс гадагшлуулах замыг цочроодог.

Орондоо шээдэг хүүхдийн эцэг эх унтахаас нь хэдэн цагийн өмнөөс шингэн өгөхгүй байх хэрэгтэй. Энурез нь сэтгэл зүйн асуудалтай ихээхэн холбоотой байдаг болохоор, эх эцгийн халамж хайр энэ эмгэгийг таслан зогсооход их үүрэгтэй. Унтахынх нь өмнө элэгсэг дотноор ярилцаж, аргадан учирласны дараа орондоо шээхээ болих явдал бишгүй тохиолддог.

Бөөр төдийгүй, цөсний хүүдий, цөсний суваг, ходоодны булчирхайн суваг чулууждаг. Цус, цөс, шээс, хоол боловсруулах шүүс зэрэг биологийн шингэнүүдэд давс эрдэсжихийг саатуулдаг бодис багасах нь чулуужилтын нэг шалтгаан болж болно. Тэдгээр бодисыг байгалийн детергент гэнэ.

   Саван, угаалгын нунтаг зэрэг химийн детергент хэрэгслүүдийг бид мэднэ. Тэдгээр нь хөөсрөлийн тусламжтайгаар бохирдлыг гадаргаас арилгаж цэвэрлэдэг. Хүний организм дахь биологийн детергентүүд эд эрхтний гадаргаас илүүдэл зүйлүүдийг мөн зохих хэмжээний хөөсрөлийн тусламжтайгаар ангижруулан цэвэрлэж байдаг юм. Зарим хүний организмд детергент нийлэгжин үүсэх явц алдагдсан, үгүй болсон, зарим хүнд энэ гажиц удамшсан байдаг.

Урьд цагт хүмүүс аньс, цангис жимсээр дамжуулж, детергент бодисын дутагдлаа нөхдөг байжээ. Ургамлаар анагаагчид амуу соёолж, алтей, идрэй (цикория) зэрэгт детергент бодис бүр ч их байдгийг тогтоосон юм.

Бөөр, шээсний замд асуудал их бий. Гэхдээ тэдгээр асуудлуудыг шийдвэрлэхэд туслах өвс ургамлууд ч их байдаг.

NSP корпораци шээс-бэлгийн системийн ажлыг сайжруулахад тустай ургамлуудыг ашиглаж, "Ред Кловер”, "И-Ти”, "Бердок”, "Эхинацея”, "Ликорайс Рүт” зэрэг бүтээгдэхүүнүүдийг үйлдвэрлэсэн юм.

Бөөр ч шээс-бэлгийн системд хамрагдана гэдгийг санууштай. Ингээд бөөр, шээс-бэлгийн системд юу юу, ямар ач тустай болохыг дараахь системээс үзэцгээе.

Кальци, магни – Эрдсийн тэнцвэрийг хэвийн байлгана, давсагны агшилтыг (спазм) сулруулна, (шөнө шээс алдагнах буюу энурезийн үед ч кальци, магни тустай).

Эрдэнэ шишийн дохиур – Бөөр, цөсний хүүдийн чулууг зайлуулна, шээс барилт сулрахын эсрэг нөлөөлнө, үе мөчинд хорт бодис, шээсний хүчил хуримтлагдахыг багасгана.

Цангис, бучу – Цангис бактерийн эсрэг үйлчлэлтэй. Бучу мөн бактерийн эсрэг үйлчлэх бөгөөд, шингэн зүй бусаар саатах явдлыг зогсооно.

Багваахай цэцэг – Дэлүү, ходоодны булчирхай, цөсний хүүдий, давсаг, бөөрний үйл ажиллагааг дэмжинэ, цөс ялгаралтыг сайжруулна, цөсний хүүдийнд чулуу үүсэхээс сэргийлнэ.

Эхинацея, канадын гидрастис – Давсаг, шээс гадагшлуулах замыг гэмтээдэг E.Coli зэрэг бактерийн эсрэг үйлчилнэ.

Олийн хүчил – Бөөрний бөөмүүдийн шүүх процессийг сайжруулна.

Гортензи цэцэг – Бөөр чулуужихаас сэргийлж, чулууг уусгахад туслана, шээс-бэлгийн замаар чулуу өнгөрөхөд үүсэх өвдөлтийг багасгана, мөн шээс барилт сулрахын эсрэг нөлөөлнө.

Калий – Организмаас илүүдэл шингэнийг гадагшлуулна. Бөөрөнд чулуу үүсэхээс сэргийлнэ.

Магний – В6 витаминтай хамт хэрэглэвэл, бөөрний чулуу үүсэх эрсдэлийг багасгана, бөөрний чулуу үүсэхэд ихээхэн үүрэг гүйцэтгэдэг оксалат давснууд хуримтлагдахыг багасгана.

Идрэй (Алтей) – Бөөрний чулууны хэлтэрхий шээс – бэлгийн замаар дамжин өнгөрөхөд тусгай давхаргаар хучиж өвдөлтийг зөөллөнө, давсгийг цэвэрлэж, чулуу үүсэхээс сэргийлнэ.

Яншуй – Организмаас илүүдэл усыг зайлуулна, бөөрний чулууг хайлуулахад туслана.

Витамин А, Д – Шээсний замын салст бүрхэвч сэргээгдэхэд туслана, давсгийн булчинг бэхжүүлнэ, шөнийн шижинг (энурез) анагаахад дөхөм үзүүлнэ.

Витамин С ба биофлавоноидууд – Эсийн бодисын солилцоо, бөөрийн сувганцруудын шүүх процессод эерэг нөлөө үзүүлнэ, бактерийн эсрэг үйлчлэнэ, дархлааг сайжруулна.

Витамин Е – Бөөрний шүүх процессод чухал үүрэг гүйцэтгэнэ, цусны бичил эргэлтийг эрчимжүүлнэ, дархлааг сайжруулна.

Цайр - Чулуу үүсгэж болох эрдсийн талсжих явцыг зогсооно, давсагны үйл ажиллагааг сайжруулна.

Бөөр-шээсний системд ач тустай ийм олон төрлийн ургамал, эрдэс, бодис байдаг. Тэдгээр нь бүгд NSP корпорацийн бүтээгдэхүүнүүдэд өргөн хэмжээгээр агуулагддаг юм.

"По Д’Арко”, "Коллоидал Силвер” бүтээгдэхүүнүүд үрэвслийн үед ач тустай. "Буплерум Плюс” бүтээгдэхүүн мөн шээс-бэлгийн системийн үрэвслийн эсрэг үйлчилнэ, ялангуяа бөөрний бөөм, тэвшинцрийн үрэвслийн (пиелонефрит) эсрэг ихээхэн үр нөлөөтэй үйлчилдэг юм.

   Буплер хэмээх ургамал "Буплерум Плюс” бүтээгдэхүүний нэгэн гол бүрэлдэхүүн хэсэг юм. Дорно дахины анагаах ухаанд буплерийн үндсийг үрэвсэл, өвдөлтийн эсрэг өргөнөөр ашиглаж ирсэн уламжлалтай. Үндсэнд нь байдаг сайкосапониний төрлийн бие организмд кортизон гэдэг дааврыг боловсруулахад нь тусалдаг. Кортизон даавар үрэвсэлтэй үр нөлөөтэй тэмцдэг юм.

Гистамин гэдэг бодис үрэвслийн явцыг дэмжиж байдгаараа хор хөнөөлтэй. Буплерийн био идэвхит бодисууд гистамин нийлэгжин буй болох, сөрөг үйлчлэлээ үзүүлэхэд нь саад учруулж чаддаг юм.

Чинжүү, сармис, яншуй... Энэ ургамлуудыг мэдэхгүй хэн байх билээ. Эдгээр ургамалд эрүүл мэндэд ашигтай олон чанарууд байдаг гэдгийг ч хүмүүс мэддэг. NSP корпорацийн "Капсикум, Гарлик, Парсли” ("Чинжүү, сармис, яншуй”) бүтээгдэхүүн дээрх ургамлуудын үнэт чанаруудыг бүрэн дүүрэн агуулсан байдаг. Энэ бүтээгдэхүүний бактери, үрэвсэл эсэргүүцэх, дарах үйлчлэлийг мэргэжилтнүүд өндрөөр үнэлдэг.

   Чинжүү, сармисны ач тусын талаар их ярьж, бичдэг тул, уншигчид зохих хэмжээний ойлголттой байгаа, тиймээс, яншуйн талаар тодорхой танилцуулъя. Яншуй шээс хөөнө, организмаас давсыг их хэмжээгээр гадагшлуулна, гөлгөр булчингийн болон давсагны булчирхайн үйл ажиллагааг сэргээнэ. Халдваргүйжүүлэх, шээс гаралт зөрчигдсөнөөс үүдсэн болон бусад таагүй үнэрийг биеэс арилгах үйлчлэлтэй хлорофилл яншуйнд ихээр агуулагддаг. Гэхдээ шинэхэн яншуй л үнэт чанаруудаа агуулж байдаг. Харин NSP корпорацийн бүтээгдэхүүн бүхий төрлийн ургамлын үнэт чанаруудыг шинэхэнээр нь хадгалж байдгаараа онцлогтой.

Үндсэндээ цэвэр хлорофиллээс бүрдэх бүтээгдэхүүнийг NSP корпораци хэрэглэгчиддээ санал болгодог. Тусгай технологийн боловсруулалтаар, царгасны (люцерна) шүүснээс хлорофиллийг гаргаж авсан нь уг бүтээгдэхүүн юм.

Хлорофилл бол амьд организм бүрд амин чухал хэрэгцээтэй бодис билээ. Үрэвсэл эсэргүүцэхээс өгсүүлээд, цус бүтэхэд туслах хүртэлх маш өргөн хүрээтэй үйлчлэлийг хлорофилл үзүүлдэг юм. Шөнийн шижингийн (энурез) үед үр нөлөө сайтай.

"Уро Лакс” (Урьд нь "Юрай” гэдэг нэртэй байсан) бүтээгдэхүүнд бөөрний үйл ажиллагаанд эергээр нөлөөлж, чулуу үүсэхийг саатуулдаг бодисууд агуулагддаг. Дээр дурдсан, бөөр-шээсний тогтолцоонд сайнаар нөлөөлдөг бодисуудын нэлээд нь Уро Лакс буюу Юрай бүтээгдэхүүнд байдаг. NSP корпорацийн бүтээгдэхүүний "A-Z” дэлгэрэнгүй толиос"Уро Лакс” болон, бусад БИХНБ-ий талаар тодорхой танилцаж болно.

   NSP корпорацийн бүтээгдэхүүнийг эмчилгээнд хэрэглэдэг эмч нар үр дүнд нь сэтгэл хангалуун байдаг. "Уро Лакс”буюу Юрайг 2-3 сарын турш тогтмол хэрэглэхэд, бөөр давсагны чулуу бүрэн арилж байсан тохиолдол цөөнгүй.

Биеийн ялгаруулах системийн гол эрхтнүүдийн нэг нь бөөр. Бөөрний янз бүрийн өвчлөлөөс болж бүх бие организм хохирдог. Цусанд азотлиг нэгдлүүд (креатинин, шүвтрийн хүчил, аммиак), эрдсүүд хуримтлагдаж, элдэв хор хөнөөл учруулна. Ялангуяа калийн илүүдэл (гиперкалиемия) их уршигтай. Цусанд илүүдэл бодис хуримтлагдсанаас болж бие хордоход хүргэдэг уремия гэх эмгэг үүсдэг. Мөн бөөрний дутагдал үүснэ.

   Бөөрний архаг дутагдал бол аюултай өвчин. Эхэндээ илэрхий шинж тэмдэггүйгээр явц нь үргэлжилдэг тул, өвчтөн ийм эмгэгтэйгээ мэдэлгүй байсаар хүндрүүлдэг. Тиймээс, бөөрөө ямагт гамнаж, хайрлаж байх шаардлагатай. Цусны шинжилгээ бөөрний дутагдлыг аль ч үе шатанд нь илрүүлж чадна. Уураг ихтэй зарим БИХНБ бөөрний дутагдалтай хүнд зохихгүй. Тэдгээрийг хэрэглэхийн өмнө цусны шинжилгээ өгөх шаардлагатай юм. Эс бөгөөс, архаг дутагдал хурцдаж болзошгүй.

Бөөрний дутагдлаас гагцхүү бөөр шилжүүлэн суулгах мэс ажилбар л аварч чадах тохиолдол гардаг. Ийм байдалд орохгүйн тулд цаг алдалгүй бөөрөө хайрлан хамгаалж эхэл. Зөв хоолло, нийлэг хүнс бүү хэрэглэ, согтууруулах ундаа, химийн эмийг аль болох бага хэрэглэ. Харин ногоо, жимс, БИХНБ-ийг аль болох их хэрэглэ. Өдөр бүр шүү.

"Хувцсаа шинэд нь, бөөрөө эрүүлд нь гамна” гэх зүйр үг байдаг. Түүнийг дахин дахин санаж яваарай!